www.mobrici.it

Vitti 'na crozza

Vitti 'na crozza supra nu cannuni
e cù sta crozza mi misi a parlari.
Idda m'arrispunniu cun gran duluri:
"Morsi senza 'nu tuccu di campani".

Tralallaleru lalleru lalleru
lalleru lalleru lalleru lallà! (2 v.)

Si 'nni eru, si 'nni eru li me anni,
si 'nni eru, si 'nni eru un sacciu unni.
Ura ca sugnu vecchiu di tant'anni
u vivu chiama u mortu e nun rispunni.

Tralallaleru...

Chi 'nnaia a fari cchiù ppi travagghiari,
sta vita è fatta tutta di duluri
e d'accussì nun vigghiu cchiù campari.

Tralallaleru...

Cunsatimi cu ciuri lu me lettu,
picchì alla fini già sugnu arriduttu;
vinni lu tempu di lu me rizzettu:
lassu stu beddu munnu e lassu tuttu.

Tralallaleru...

C'è nu jardinu 'n mezzu di lu mari,
tutt'intissutu d'aranci e limuni,
unni l'aceddi ci vannu a cantari
e tutti i pisci ci fannu all'amuri.

Tralallaleru...

Ciuri ciuriddu

Nun canto pì amuri, no pì amanti,
ca nun mi passi manco pì la menti.
Ma pì la donna mia ca nù mi voli,
ma pì la donna mia ca nù mi senti.

Ciuri ciuriddu, ciuri di tutto l'annu,
l'amuri ca mi desti ti lu tornu;
ciuri ciuriddu, ciuri di primavera,
si tu nun m'ami io moru di pena.

Li beddi gersumini rampicanti,
sutta la to finestra si sciarunnu;
nun cianciu li cuscini e li linzola,
cianciu l'amuri mio ca dormi sula.

Ciuri ciuriddu...

Web design Gianfranco Mobrici